Pratah kal shloka

ప్రాతః కాల శ్లోకం 

ఇది చాలామందికి బాగా తెలిసిన,  అందరు చెప్పే శ్లోకమే. కానీ  ఈ కంప్యూటర్ యుగంలో, ఆండ్రాయిడ్ మనుషులలో ఆచరించే వారు మాత్రం చాలా కొద్ధి మంది మాత్రమే. అందుకే కొంతైనా భవిష్యత్తు తరాల వారికి ఉపయోగం అనే ఉదేశ్యంతో .. 

" కరాగ్రే వసతే లక్ష్మి , కరమధ్యే సరస్వతి 

కరమూలే స్థిత గౌరీ, ప్రభాతే కర దర్శనం "

 

ఈ శ్లోకం ప్రతిరోజూ ఉదయాన్నే నిద్రలేచిలేవగానే అరచేతులు చూచుకుంటూ చదువుకోమని పెద్దల మాట. అనవసరమైన విషయాలు పరగడుపునే చేసే చర్చవలన ఆ రోజు మొత్తం అదే మనస్తత్వంని మోసుకుంటూ వెళ్లినట్లు ఉంటుంది.  అలాగే దీనితో పాటు సాధారణంగా మంచం పైనుండి దిగకుండానే ఈ విధంగా పృథివి మాతను , సప్తసముద్రాలను, గురువులను, సప్తఋషులను, మాతృ పితరులను, సప్త ద్వీపాలను, గంగ, నర్మదా ఇత్యాది పుణ్యనదులను కూడా స్మరించాలి .  దీనినే మానసిక స్నానం అంటారు. ఇలా రోజును ప్రారంభించాలి అని ఆ రోజు విజయంగా సాగుతుంది అని సద్గ్రంథ వచనం.